Қордай ауданы ауыл шаруашылығы саласында тұрақты даму қарқынын сақтап келеді Қордай ауданы ауыл шаруашылығы өндіріс көлемін жыл сайын арттырып, тұрақты даму қарқынын сақтап келеді, – деп хабарлайды «Korday24news.kz» ақпараттық агенттігі.
2024 жылы аудан бойынша ауыл шаруашылығы өнімінің жалпы көлемі 83,6 млрд теңгені құрап, нақты көлем индексі 104,8%-ға жетті. Бұл көрсеткіш ауданның агросекторының өсіп келе жатқанын айғақтайды.
Ауыл шаруашылығын қолдауға бағытталған «Ауыл аманаты» жобасы Қордай ауданында табысты жүзеге асуда. 2019 жылы бұл жоба Жамбыл ауылдық округінде пилоттық режимде басталып, кейіннен Кенен, Қаракемер, Қарасу, Сарыбұлақ, Қақпатас ауылдық округтерінде өз жалғасын тапты.
Жоба аясында:
- 6016 бас ірі қара, 10 879 бас қой, 405 бас жылқы сатып алынды.
- 4 өндірістік кооператив құрылды.
- 25 жаңа техника мен құрал-жабдық алынды.
- 690 тұрғын өз кәсібін ашып, тұрақты табысқа қол жеткізді.
2024 жылы «Ауыл аманаты» жобасының 5-ші бағыты бойынша 1,2 млрд теңгеге 171 жаңа жоба дайындалды. Егер қаражат бөлінсе, бұл бастама 331 адамды жұмыспен қамтуға мүмкіндік береді.
Қордай ауданының шаруалары жаңа технологияларды енгізу арқылы өнімділікті арттырып, ел экономикасының дамуына өз үлестерін қосуда. Өнім көлемінің артуы, техниканың жаңаруы, инвестиция тарту және «Ауыл аманаты» жобасының жетістіктері – Қордай ауданы ауыл шаруашылығының болашағының жарқын екенін көрсетеді.