2025 жылғы 3 наурызда Қордай ауданы әкімінің №11 ө-ж/қ өкімімен Фушанло Рустам Юнусович Қордай ауданы Сортөбе ауылдық округінің әкімі болып тағайындалды.
Ауыл әкімін Қордай ауданы әкімі аппаратының басшысы Н. Сатымқұл арнайы барып таныстырып, ауыл активімен кездесті. Жиын барысында ауыл әкімнің өмірбаяны мен қызметтік тәжірибесі таныстырылып, ауылдық округтің әлеуметтік-экономикалық дамуы бағытында алдағы жоспарлары талқыланды.
Фушанло Рустам Юнусович 1986 жылы 29 тамызда Жамбыл облысы, Қордай ауданы, Сортөбе ауылында дүниеге келген. Ұлты – дүнген.
Білімі – жоғары. 2008 жылы Қырғызстан Республикасы Ж.Баласағұн атындағы Қырғыз ұлттық университетін «Құқықтану» мамандығы бойынша аяқтаған.
Еңбек жолын 2013 жылы Қордай ауданы әкімдігінің жұмыспен қамту және әлеуметтік бағдарламалар бөлімінде маман ретінде бастаған. 2016-2017 жылдары Сортөбе ауылдық округі әкімі аппаратының жетекші маманы, 2017-2019 жылдары бас маман, 2019-2021 жылдары әкімнің орынбасары қызметтерін атқарды. 2021 жылдың сәуір айынан бастап бүгінгі күнге дейін Сортөбе ауылдық округінің әкімі қызметін атқарған.
Отбасылы, 5 бала тәрбиелеп отыр.
