Қордай ауданында Жамбыл облысы прокурорының орынбасары Б.Мухамеджанның қатысуымен «Заң мен Тәртіп» қағидатын дәріптеу аясында қылмыстылықты алдын-алу шараларын күшейту мәселелері мекемеаралық мәжілісте қаралды, деп хабарлайды «Korday24news.kz» ақпараттық агенттігі.
Жиында прокуратурамен жыл басынан бері тіркелген қылмыс динамикасы талданып, зорлық-зомбылық, жасөспірімдер қылмысы, жол-көлік оқиғалары және интернет-алаяқтық сияқты қылмыстардың өсуіне әсер етіп отырған факторлар анықталды.
Мәжіліс қорытындысында профилактикалық іс-шаралардың тиімділігін арттыру, қоғамдық тәртіпті сақтау үшін полицияның патрульдеу жұмыстарын күшейту, білім беру ұйымдарында құқықтық түсіндіру жұмыстарын кеңейту және әлеуметтік тәуекел топтарымен жеке профилактиканы жетілдіру бойынша нақты тапсырмалар берілді.
